|
бундай қилолмасангиз — ҳаргиз қилолмайсиз ҳам — у ҳолда кофирлар учун тайёрлаб қўйилган дўзахдан қўрқингки, унинг ўтини одамлар ва тошлардир. 25. Имон келтириб, яхши амаллар қилган зотларга хушхабар берингки, улар учун остларидан дарёлар оқиб турувчи боғлар бор. Қачон ўша боғларнинг бирор мевасидан баҳраманд бўлсалар, «Илгари татиб кўрган нарсамиз-ку», дейишади. Зеро уларга сурати бир-бирига ўхшаш мевалар берилади. Ва улар учун жаннатда покиза жуфтлар бордир. У зотлар жаннатда абадий қолажаклар.“. [2:21-25]
Мана бу оятларда Буюк Аллоҳ одамларни ёлғиз Ўзигагина ибодат қилишга буюряпти. Шояд улар шу ибодатлари билан Аллоҳнинг ризосига эришган тақводорларга айлансалар. Шояд сўзи гарчи умид қилиш маъносини англатса-да, Аллоҳ томонидан айтилаётганлиги эътибори билан Аллоҳнинг изни ила вафо қилиниши аниқ бўлган ваъда маъносини ҳам англатади.
Кейин Аллоҳ уларга уларни ҳам, улардан олдингиларни ҳам яратганлигини баён қилди. Еру осмонни яратган ҳам, ерни яшаш учун қулай қилиб берган ҳам, осмонни шифт қилиб ўрнатиб қўйган ҳам Ўша Зотдир. Қайси бир нарса қайси бир нарсанинг устида турган бўлса, у ўша ўзининг остидаги нарсага нисбатан осмондир. Шунинг учун ҳам уйнинг шифтини осмони, деб ишлатишган. Шундан сўнг Аллоҳ бандаларига Ўзининг Раззоқ эканини айтди. Яъни осмондан ёмғир ёғдириб, турли хил экинларни, меваларни чиқарадиган ҳам Ўша Зотдир. Шундан кейин ҳам улар қандай қилиб шундай улуғ Зотга бошқа нарсаларни тенглаштирадилар? Шундай буюк Зотни қўйиб, ҳеч нарсани ярата олмайдиган, ўзлари яралган нарсаларга ибодат қиладилар? Агар улар ақлларини ишлатганларида эди, Аллоҳ Таолонинг шериксиз, тенгсиз, ягона Маъбуд эканини билиб олган бўлар эдилар.
Қуръоннинг мўъжизалиги ҳақида
Шундан сўнг Аллоҳ Таоло уларга қарши ҳужжат келтириб, Қуръонни биргина сурасига ўхшаган бир сура келтиринглар, деб уларни беллашувга чақиряпти. Шу гапнинг ортидан эса улар ўзларининг Аллоҳдан бошқа ҳар қанча ёрдамчиларини чақирсалар ҳам бу ишни ҳеч қачон қила олмасликларини ҳам таъкидлаб қўйяпти.
Шуни айтиб ўтиш мақсадга мувофиқки, Аллоҳ Таоло уларни Маккада бир сурани келтиришларини айтиб, беллашувга чақирганди. Улар эса ожизлик қилгандилар. Бунинг тафсилоти Юнус сурасида келган.
أَمْ يَقُولُونَ افْتَرَاهُ قُلْ فَأْتُواْ بِسُورَةٍ مِّثْلِهِ وَادْعُواْ مَنِ اسْتَطَعْتُم مِّن دُونِ اللّهِ إِن كُنتُمْ صَادِقِينَ
70-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204